कार्यक्रम

सुविद्या प्रसारक संघ व सुविद्या डिग्री कॅालेज आणि मल्लखांब लव यांच्या संयुक्त विद्यमाने तसेच मुंबई उपनगर जिल्हा मल्लखांब संघटनेच्या मान्यतेने, कै.दत्ताराम दुदम सरांच्या स्मरणार्थ ४ थी अजिंक्यतारा चषक निमंत्रित मल्लखांब स्पर्धा दिनांक ३ व ४ मे २०२५ रोजी योजना विद्यालय, बोरीवली (पूर्व) येथे आयोजित करण्यात आली होती.
सदर स्पर्धेत ६, ८, १०, १२, १४, १६ व १८ वर्षाखालील मुले व मुली तसेच सलग दुसऱ्या वर्षी पॅरा मल्लखांबाच्या स्पर्धा घेण्यात आल्या. त्यामध्ये, जवळपास ५०० खेळाडूंनी सहभाग घेतला. तसेच राजकीय व सामाजिक क्षेत्रातील मान्यवर, संघटनेचे पदाधिकारी, पंच, प्रशिक्षक, मार्गदर्शक, आयोजक आणि स्वयंसेवक त्याचप्रमाणे शिवछत्रपती पुरस्कार विजेते आणि अन्य मान्यवर यांनी देखील कार्यक्रमात सक्रिय सहभाग नोंदवला. विजेत्यांना त्यांच्या उल्लेखनीय कामगिरीबद्दल प्रमाणपत्रे, पदके, ट्रॅाफी प्रदान करण्यात आल्या तसेच सर्व खेळाडूंना कै.दत्ताराम दुदम सरांचे पदक देऊन गौरविण्यात आले.
मुंबई उपनगर जिल्हा मल्लखांब संघटनेचे सचिव आशिष देवल यांच्या नेतृत्वाखाली चमूने उत्कृष्ट कामगिरी पार पाडली. सर्व व्यवस्था, स्थापनेपासून ते अंमलबजावणीपर्यंत, अत्यंत कौशल्याने करण्यात आल्या, ज्यामुळे हा कार्यक्रम नियोजित वेळेत यशस्वीपणे पार पडला. या कार्यक्रमाचे सुविद्या प्रसारक संघाचे अध्यक्ष श्री.महादेव रानडे, कै.दत्ताराम दुदम सरांच्या पत्नी श्रीम.स्मिता दुदम मॅडम तसेच मान.आमदार श्री.संजय उपाध्याय व महाराष्ट्र प्रदुषण नियंत्रण मंडळाचे अध्यक्ष श्री.सिद्धेश कदम, मुंबई उपनगर जिल्हा मल्लखांब संघटनेचे अध्यक्ष श्री.करुणाकर शेट्टी, माजी नगरसेविका श्रीम.प्रतिभाताई गिरकर, माजी नगरसेवक श्री.शिवा शेट्टी यांनी भरभरून कौतुक केले व पुढील वाटचालीसाठी शुभेच्छा दिल्या.